Oté komment ilé ?
Opé léla léla
Kissa ou lé ?
Mwin sé Nathanaelle le leader du groupe Tribu Nénibé composé de fille principalement car nou ve change un l’habitude de croire que maloya la scène lé plutôt masculin
Lé vré lé vré, i fo pa largé ! Oussa zot lé bazé alor?
Nou lé si St Paul actuellement
Zot talen sé maloya alor ?
Oui nout talen c jouer Maloya pou la plupart depuis ti baba nou lé dedan
Depui kan zot lé aktif en tan ke group ?
Y fait déjà 2 ans que l’association la prend vie et que l’aventure la commencé
I voi ou lé passioné par sa, kossa ou ym dan maloya ?
Aimé lé in mot trop ti pou mon l’amour maloya c’est un trin de vie mon quotidien mi voudrai viv de li
Tribu Nénibé, na un zistoir raconte a nou un peu koman la komensé…
Nout lékol sé service Kabaré sé la dan nou la commencé apprend jouer, chanter puis nou la évolué nou gagn jouer rouler sati piker kayamb par nou mém, après le décès de nout zarboutan (Sana) nou la décide monte sur scène pou rend ali hommage car li même la chante pou nou kan nou té ti dans service Kabaré, grâce à la scène moin la rencontre plein domoune que la encouraz amoin pou aller pli loin.
Kombyen de ten i fo azote po fé un morso ?
La misik y vien ek le temps mais si mi met la tête avec en 1 journée mi fé un son puis mi re travail ali ek les autres du groupe pou ki plé nout tte sans change mon fond ker
Po ou sé kwé la kultur ?
La kulture pou moin c’est tous ce qui concerne la Réunion le manzé le kozé la misik la manière viv lontan
Kossa ou yaimeré po la suit po ou mém?
Mi souhaite un jour nout ti groupe nora l’occasion passe su les grande scène réunionnaise pou moin sé in fierté
Kossa ou voudré po la réunion ?
Pou nout peï mi voudrais que les jeunes tel que nou y valorise pliss la culture po pas perde rien in génération ousa la Racine lé encore vivant !!
Lé vré sa !
Selon ou kossa i fo nou change su nout lil po mieu valoriz nout gayar ?
Pou valoriz anou fo aret vouloir cette déor pou valoriz anou fo mette en lér lé artisan lé artiste lé association comme zot y fé.
Oussa i peu contak azot ?
Zot pé retrouve anou si Facebook : Tribu Nénibé – Association
Si nou di aou tibato.re kossa ou di ?
Tibato.re un gayar site pou partaz entre nou mm merci azot
A nou nou yaime la muzik, kel morso ou voudré fé apresi a nou ?
Na in ti bout mem si Facebook in l’extrait comme lé rare nou publie y appel “doucemen tapé ” allé guetté bana
Lébon nou va ékout sa avek plézir !
In mo po la fin ?
Pou fini mi remercie tibato.re pou cette interview valorise mém les plus petits d’entre nou gayar sa
Bravo a zot Tribu Nénibé !
